Más información (entrevista con la autora): Blog de Buni
EL PUEBLU ENCANTÁU

Yera una nueche tenebrosa ya escura. Too taba taba tranquilu. El silenciu yera’l peor ruíu que podíemos oyer. El día entamara xenial ya agora, tábamos ehí, nel vieyu pueblu abandonáu nun rincón perdío d’Asturies. ¿Queréis saber la mio historia? pues seguii lleendo. Sonó’l despertador ya púseme de pie d’un brincu. Güei esperábame un duru trabayu. Nun sabréis por qué, pero vos lo voi dicir agora. Llámome María ya soi escritora. Güei voime a un pueblu abandonáu nel que dicen qu’hai pantasmes. Quiero escribir una novela de terror ya ir ellí podría ayudame. Les mis meyores amigues, Estela ya Lydia, acompáñanme, nun quieren que te sola, ya pidieron díes llibres pa tar conmigo. Subíme al coche ya foi a recoyer a les mis amigues a les sos cases, depués dirixímonos a la autopista, saqué un vieyu mapa, nos actuales nun señalen el puntu exautu del llugar. Mentantu Estela buscaba’l pueblu nel mapa, Lydia buscaba información n’internet. Alcontró lleendes antigües ya mitos de pantasmes. Ninguna creíamos neses coses, pero nun sería per munchu tiempo. Al llegar al nuestru destinu salimos del coche ya observamos, ablucaes, los árboles que cubríen les cases, les aves de mal agüeru ya l’escalofriante ambiente. Les cases grises, seguru qu’antes de colores, daben escalofríos ya yo, ya creo que les mis amigues tamién, sentimos unes estrañes presencies nesi llugar. De sópitu les campanes de la ilesia entamaron a tocar ya les fueyes del nuesu alredor entamaron un baile en remolín acompañáu d’eses fúnebres campanaes. Quedamos paralizaes como si tuviéremos pegaes al suelu. De sópitu una misteriosa ya escalofriante voz, que venía de la ilesia, díxomos en tonu amenazante: -¡Iros o sino sufriréis la mi cólera! Na más poder movenos dirixímosnos al coche ya pusímosnos en marcha al pueblu más cercanu, Cuideru, taba a 10 km del pueblu encantáu, conocíu como Villapantasma. En Cuideru a topamos una pensión que taba llibre, depués de dexar les coses nes habitaciones fuimos a la Biblioteca’l pueblu. Depués d’un ratu, por fin Estela decidióse a falar del tema. -¿Qué ye lo que pasó? -Fuere lo que fuere manexaba les fueyes ya les campanes de la ilesia- Dixo Lydia. -Venía de la ilesia, seguramente d’un sótanu o cementerio abandonáu- Dixe yo- Entos tendremos que volver ya entrar. Punxieron un xestu de terror, lo que nun sabíes yera que yo tamién tenía miéu. Decidímosnos a dar un paseu per Cuideru. Dende los miradores veíase tol pueblu y dende los cais si mirabes pa la mar podíes ver como los pexes nalaben. Tierra y mar xuntábense nesi pueblu tan guapu. N’unu de los cais había una esposición de semeyes antigües. Entós fixeme qu’Estela taba mirando una d’eses semeyes con cara rara. -¡Chiques mirai esta semeya! Nesa semeya nun salía Cuideru, sinon Villapantasma. Dafechu corrimos al Ayuntamiento pa que nos dieren información sobre aquella semeya, pero naide sabía na daquel pueblu. Nos dixeron que fuésemos ver al guía, qu’igual él sabía daqué. Fuimos velo y contamos-y tolo que nos pasare. Depués de pensar contónos que yera un pueblu fantasma dende’l día qu’al cura entamaron-y a pasar coses males, dende entos taba amargáu ya echaba maldiciones al que-y caía mal. La xente cansóse d’él ya decidieron quemalo na foguera como a les bruxes, se diz qu’el cura quedóse na tierra páterrorizar a la xente del pueblu ya vengase de la xente que lu quemara, asina hasta nuestros díes. Volvimos al coche ya dirixímosnos a Villapantama, yera de nueche ya soplaba airón. Too paecía tranquilu, pero como diz un vieyu dichu: depués de la calma vien la tempestá, ya d’un fantasma esperábamos lo peor. Conseguimos entrar na ilesia, taba too tranquilo, nun se veía nin se oyía ningún pantasma. -Buf, creo que’l Pantasma tomóse unes vacaciones- Dixo Lydia. De sópitu unes nubes prietes escurecieron el sol ya una potente vozarrona nos dixo: -¡Vos avisé que vos fuerais, agora sufriréis! -¡Gafona!- Diximos Estela ya yo a Lydia mientres corríamos al interior de la ilesia. Estela apoyóse nuna de les columnas y abrióse un círculu nel suelu que daba a un pasadizu. -¡Bien fecho Estela!- Glayé. -¡Rápido, ehí abaxu!- Dixo Lydia. -¡Bona idea!- Dixe yo. Dirixímosnos rápidamente a les escaleres ya’l pasadizu cerróse. -¡Tamos a salvu!- Dixo Lydia. Una solombra siniestra travesó’l suelu la ilesia y apaeció ante nos. -¡¿Lydia, nun sabéis que los pantasmes puen atravesar parés?!-Dixo Estela. -¡Correi!- Dixe yo. Corrimos pelos pasiellos ya vimos a lo lloñe una lluz. Corrimos ya corrimos hasta poder alcanzar el final del pasiellu. El corredor finaba nuna capiella col teyáu descubiertu ya mediu destruida pol pasu’l tiempu, nel centru un cofre oxidáu ya suciu reposaba. -¿Qué ye eso?- Dixímosnos. Lydia dirixióse al cofre ya abriólu fácilmente. Dientro sólo había una vieya semeya con corazones pintaos. La rapaza de la semeya nos yera familiar. ¡Era la mio tía! -¿De qué conoces a esa muyer?- Entrugue-y al pantasma. El cura pantasma al ver que nun-y tenía nengún miéu baxó la voz y díxome. -Ye una rapaza de la que me namoré, un bon día desapaeció ya nunca más volví a vela. Cuando la mi vida finó decidí seguir buscándola ya eché a tola xente’l pueblu pa que nun me molestaren. Yo fale-y d’ella, dixe-y que era la mio tía ya qu’agora taba casada. El pantasma diome les gracies ya desapaeció ya xunto a él la so lleenda. Yo escribí una preciosa novela, pero non de terror, sinon d’un amor imposible d’un pantasma ya una persona humana. Nun se qué sería del pantasma, pero toi segura qu’onde te tará feliz. Mi tía nun se creía muncho la hestoria, peru buenu, vosotros sabéis que ye verdá ¿nun ye así?
Un amistosu saludu de: María Cecilia