PREGON   DE   L´ANTROXU     2006

!Bonos dies a toos !

Güei, enantes d´entamar,

esta actividá escolar,

l´antroxu del 2006

vamos pregonar.

Tamos equí aconceyaos,

tola xente d´esti colexu,

p´antroxar nesta fiesta

y podela disfrutar.

Hai que facer un esfuerzu

p´atopar los collacios,

porque escuéndense debaxu

de papeles o trapos,

y amás tapen el focicu

pa que nun los conozamos.

Nun hai disfraz que seya feo,

nin traxe que nun dea la risa,

porque trátase d´eso,

pa facer bona folixa.

Les clases güei tan soles,

nelles nosotros nun apaecimos,

ellí dexamos los llibros

por mor d´equi reuninos.

Esti añu colamos pa Exiptu,

tierra de faraones y pirámides.

Quiciabes nos visite Cleopatra o Tukamkamón

vestíos con toles sos riqueces, o

a lo meyor atopamos  dalgún cocodrilu

despistáu a la gueta  del Nilo. 

Vosotros nun apavoréis si veis dalguna momia,

igual ye la de Ramsés que vien a convidanos

a visitar el so gran templu d´Abu Simbel

y danos así una llave de la vida.

Y si veis a dalguien ensín narices, tranquilos,

va ser la Esfinxe que quier saber cómo son

los antroxos por esti colexu Quirinal.

Vamos rendir homenaxe a esta gran cultura

de xeroglíficos y papiros; que dura 30 sieglos

y que enta anguañu sigue

sosprendiéndonos y prestándonos.

Ya fina´l pregón

disfrutar ensin parar,

y que dure la folixia

hasta´l tiempo de marchar.

¡PUXA DON CARNAL!

¡PUXA´L COLEXU QUIRINAL!

¡¡ENTAMAR A ANTROXAR!!

¡QUE VIVA L´ANTROXU NEL COLEXU QUIRINAL!