Xentiquina ye un garapiellu de neñes y neños del C.P. de Lieres que casi tolos años va renovando los sos protagonistes, y que dende´l cursu 87-88 vien dedicándose a esparder pel mundu escolar les sos canciones en llingua asturiana. Xentiquina ye una creación de Nacho Fonseca, maestru de música del colexu y autor de les canciones que canta´l grupu.
Dende la so creación, Xentiquina lleva fechos al rodiu de trescientos conciertos en teatros, colexos, cases de cultura,…de práuticamente toa Asturies. Les publicaciones musicales del grupu son:
"Marchóme la gata" (Ámbitu, 05) 
"Blimes" (ALLA, 03) 
"Nun mos gusten les lenteyes" (FonoAstur, 01)
"Cantares vieyos...voces nueves II" (ALLA, 01)
"Cantares vieyos...voces nueves I" (ALLA, 99)
"Llambionaes" (Fonográfica asturiana, 94)
"Yera la princesa d'un país" (FonoAstur, 90)
"Xentiquina" (FonoAstur, 88)
