El centru entama´l so foncionamientu como colexu de preescolar nel cursu 1979-1980; según la documentación qu´esiste nel mesmu, pero desconocemos en qué añu y el tipu d´enseñanza que s´impartía entós. En pocu tiempu facilitaránnos estos datos procedentes del "Archivu municipal".

L´Edificiu sufrió dos remocicamientos importantes dende la so construición; primero nel añu 1981 onde cerrárronse parcialmente los soportales del patiu, pa cerralu en resultancia nel añu 1998; quedando asina un patiu cubiertu pal recréu nos dies lluviosos y sala d´usos múltiples.

Nun principiu el mayor cachu´l patiu yera un gran fosu de sable empequeñeciéndose a la metá nos años postreros. pa desapaecer más alantre y quedar tol patiu asfaltáu nel añu 1995 con una amplia estensión pa los xuegos.

Anque´l nome del colexu ye "Xosé Zorrilla", nel barriu tol mundu conozlu como "Escueles roxes" por ser esti el color que predominó na fachada durante munchos años.