|
Vanessa Gutiérrez
Non, nun tamos proponiendo folgar tol fin de selmana, a la gueta'l calorín que la cama mos roba toles mañanes cuando toca llevantase. Por muncho que mos guste'l nuesu trabayu, nun sedrán poques les veces que'l cansanciu y hasta la galvana -qu'a too tenemos derechu, por más que mos lo reprochen los demás- mos trate de camelar pa que quedemos "en sobre". Y más con estos díes de seronda nos que la lluvia y el fríu entamen a facer de les tardes un bon momentu pa tar en casina abellugaos al calor d'un bon tazón de chicolate. Y qué meyor manera de pasar esi tiempu que rabilando per Puertuasturies, conociendo nueves descargues y, por qué non, xugando como los nuesos escolinos y escolines. Lo dicho, qu'a too tenemos derechu.
Cualquier proyectu que tenga l'asturianu como llingua vehicular hai que lu acoyer colos brazos abiertos. Cualquiera que seya'l campu nel que se desendolque pue venir bien como escusa perfeuta pa tratar dalgún tema nes nueses clases. Güei damos anuncia d'una guapa propuesta que tien a una de les autores asturianes contemporanees que más paga la pena conocer: Vanessa Gutiérrez. La editorial Ámbitu ta acabante editar un «bookclip», dirixíu por Ramón Lluís Bande, del llibru «La cama» de Vanessa. Pues velu entrando na páxina web de Les Noticies o equí .Tamién en Puertuasturies pues atopar un enllaz a dalgo asemeyao que se ficiere pa la Selmana de les LLetres que se dedicó a la poesía, con una composición d'esta mesma autora. Pincha equí.
Amás, esta selmana presentamos un nuevu videu de Camín de cantares (pues velu na seición de videos, dientro de la estaya de la TPA). Esta vegada'l que se grabó n'Urria (Teberga)
Recordái que'l grupu de "Ambás", Tuenda, va tar esta selmana tocando en Candás (xunto con otros munchos grupos) nel actu central del XXV aniversariu del Grupu de Baille San Félix (pues ver el programa equí)
Urria I
Pero esta selmana falláronse los premios venceyaos cola llingua asturiana que convoca'l Principáu d'Asturies: Xandru Fernández ganó'l Xuan María Acebal de poesía (ver noticia equí ); Dolfo Camilo Díaz el Xosefa Xovellanos de novela (ver noticia equí ) y Xosé María Fernández el Fuertes Acevedo d'ensayu (ver noticia equí ).
Y yá que tamos colos concursos, Asturnet ta acabante de convocar unu pa lliteratura y xuvenil. Pues ver les bases equí .
Esta selmana colgamos una actividá empobinada a los neños y neñes d'Ed. Infantil. Magar de lo mal que se trata a la Llingua Asturiana pola Alministración nesta estaya, en Puertu Asturies nun nos olvidamos de los escolinos más pequeños y apurrimos un prestosu xuegu pa trabayar colos númberos del 0 al 9 y los sos nomes n'asturianu. Podéis dir dende equí o como davezu dende la seición de Aprendi divertío .
Yá va quedando menos pa completar l'alfabetu de Nuria. Una oveya, un quesu y un raposu van valir esta selmana pa ello. Gracies otra vez, Nuria.
Hai tres nueves entregues del CPR Nalón. Esta vez, dos trabayos sobre los deportes, ún pa primer ciclu de Primaria y otru pa Segundu ciclu, y ún sobre los colores son los temes a tratar. Calca equí pa esti úlimu.
Zarramos les actividaes d'esta selmana con un exerciciu que bien val pa demostrar lo que mos atienden los alumnos, anque tamién si lo facemos dalgún adultu... de xuru que tamién cayería na trampa. Equí ta.
Hasta la selmana que vien.
|
Acabamos el I Conceyu Internacional de la Llingua Asturiana que se cellebró n'Uviéu esta selmana qu'acaba y entamamos el I Día de les ciencies asturianes (ver noticia 
