Esti sábadu, con tastu a descansu más llargu de lo qu'un fin de selmana da de sí, nun podemos dexar de pensar que la seronda ye una estación bien propicia pa la reflexón. Pensar n'organizar el cursu que tamos acabante d'entamar y entá queda per delantre. 

El Festival de Cine de Xixón va ufiertar per primer vez una película doblada al asturianu. Ta empobinada a un públicu infantil (a partir de 6 años). Nun podemos escaecer que'l mundu audiovisual ye bien importante na normalización d'una llingua y más nel nuesu casu, onde ponemos clase a rapacinos y rapacines que tienen milenta oportunidaes de ver películes, documentales, etc., nuna llingua estranxera. Pue ser una bona oportunidá pa que cunda l'exemplu y lo que güei ye una novedá que traemos equí, nun futuru esperemos que nun mui alloñáu yá nun mereza la pena mencionase porque seya una práctica habitual.

Esta selmana siguimos enfotaos en que les matemátiques son mui fáciles y puen dase na nuesa llingua, asina que colgamos dos nuevos xuegos matemáticos pa los más neños de los colexos.Atoparéislos na seición Aprendi divertío, estaya de xuegos Flash.Siguimos cuntando con estos estupendos xuegos gracies a la xente de genmagic.

La Lluna

Y na estaya de películes tán colgaos tres videos de nenos de los C.P. Xove y Martínez Torner faciendo obrines de teatru y recitando poemes. Tán na seición VIDEOS INFANTILES (o calcando equí , equí y equí ).

Amás, amosamos un nuevu capítulu de 'Camín de cantares', el programa de Xosé 'Ambás' na TPA. Esti capítulu ta dedicáu al pueblu de Cuergo, nel conceyu d'Ayer. Podéis ver el primer capítulu calcando equí .

Pa finar, equí dexamos una aportación fecha por la compañera Nuria Suárez Camblor que vos pue ayudar a dir decorando les clases de les escueles. Si calcáis equí , equí y equí entamaréis un guapu alfabetu que nes próximes selmanes diremos completando. Va tar disponible dientro de MATERIAL DIVERSO.

Descansái y hasta'l sábadu que vien.